Малавигийн шинэ Ерөнхийлөгч Жойс Банда өмнөх төрийн тэргүүний хэрэгцээнд ашиглаж байсан онгоцыг дуудлагаар худалдаалж, олсон мөнгийг нь ядуустаа зориулахаар шийджээ. Тус улсын экс Ерөнхийлөгч Бингу ва Мутарика таван жилийн өмнө 13,3 сая ам.доллараар 14 хүний суудалтай бага оврын онгоц худалдан авч, гадаад дотоодын шүүмжлэлийн бай болж байсан юм. Үүнээс болоод донор орнууд Малавид үзүүлэх тусламжаа зогсоож байсан явдал ч бий. Африкийн хамгийн ядуу зүдүү орны Ерөнхийлөгч хувьдаа ингэж тансагладаг байж болохгүй хэмээн шинэ төрийн тэргүүн үзэж, ирэх сарын 20-нд хамгийн өндөр үнэ хэлсэн хүнд худалдана хэмээн зар тараажээ.