Британийн иргэн Алан Бисли гэргий Саратайгаа 800 мянган ам.доллараар үнэлэгдэх тансаг байшингаа хэдэн жилийн турш өвсний агуулахад нууж байжээ.12 жилийн өмнө Бисли Хэтфилд мужийн захиргаанаас ерийн л нэг өвсний сарай барих зөвшөөрөл авсан байна.
Харин үнэн хэрэгтээ энэ дотроо унтлагын гурав, зочны нэг өрөө, ариун цэврийн өрөө, биеийн тамир, чийрэгжүүлэлтийн өрөө бүхий тансаг орон сууц барьжээ. Ингээд энэ байшиндаа дөрвөн жил амьдарч байтал энэ нь илэрсэн байна. Эрх баригчдад түүний энэ татвараас зугтаах гэсэн оролдлого таалагдсангүй, шүүхэд өгч залилан мэхэлсэн хэргийнх нь төлөө хариуцлага хүлээлгэх болж байгаа гэнэ. Одоо Бисли албан ёсны зөвшөөрөлтэй сарайгаа буулгаж авч явахаас аргагүй болоод байгаа юм байна.