Хөршийнхөө нэрийг ч мэддэггүй, Facebook, интернэт чат, тоглоомд өдрийн ихэнхийг өнгөрүүлдэг, хэт технологижиж, байшингаас байшингийн хооронд л эргэлддэг болсон өнөө цагийн хүүхдүүдийн амьдрал өнгөрсөн зууны эхэн үеийн хүүхдүүдээс тэс өөр байгааг “National Geographic” сэтгүүлийн сүүлчийн дугаарт гарсан зургууд харуулна.
1900-аад оны эхэн үеийн Америк, Канадын хүүхэд багачуудын ерөнхий дүр төрхийг харуулсан зургууд амьдрал ямар энгийн сайхан байсныг өнөө үеийнхэнд сануулах ажээ. Байгальтай дэлхийтэйгээ ойр өсч, хөрш саахалтынхаа хүүхдүүдтэй салшгүй анд нөхөд бололцон,  хааяахан төв суурин газраас ирэх тоглолт үзвэрийг энэ дэлхийн хамгийн сонин зүйл мэт хачирхан гайхаж, тэр тухайгаа хэсэгтээ дурсан ярих тэр үеийн хүүхдүүд өнөө цагийн бүхнийг дэлгэцийн цаанаас л хардаг, шинэ кино, шинэ видео тоглоомоос бусдаар бол сонирхож хачирхах зүйл тун ч цөөхөн өнөө цагийн “ихэрхүү” хүүхдүүдээс огт өөр байж дээ.