Иракийн нийслэл Багдад ням гарагт болсон цуврал дэлбэрэлтийн улмаас 37 хүн амь алдаж, 130 орчим хүн бэртэж шархадсан байна. Дэлбэрэлт нийслэлийн мусульман-шийтүүд амьдардаг дүүрэгт болжээ. Хамгийн том дэлбэрэлт хотын зах дээр болсон бол нийслэл болон хот орчимд нийтдээ таван машин дэлбэрчээ. Үүнээс гадна цагдаагийнхан хоёр ч машинд тавьсан бөмбөгийг аюулгүй болгосон байна. Одоогоор дэлбэрэлтийн хариуцлагыг ямар ч байгууллага хүлээгээгүй байгаа ч “Иракийн исламын улс” байгууллагын “Аль-Кайда” бүлэглэлтэй ойр сунитын алан хядагчид үйлдсэн байж магад хэмээн таамаглаж байна. Энэ бүлэглэлийнхэн шийтүүдийг итгэл үнэмшлээсээ урваж ираны шийтүүдтэй холбоотой хэмээн буруутгадаг юм. Энэ өдөр бас Багдадаас баруун зүгт орших Фаллужа хотод зэвсэгт дайчид цэргийн харуул руу гал нээж нэг энгийн иргэний аминд хүрч, таван ч хүнийг шархдуулсан байна.
Сунитууд өнгөрсөн оны арванхоёрдугаар сарын эхнээс шийтүүдийн тэргүүлж байгаа Иракийн Засгийн газрын үйл ажиллагааг идэвхтэй эсэргүүцэж байгаа юм.