Америкийн Кен­тук­ки мужийн Хоп­кинсвилль хотын оршин суугчид зөв­хөн аймшгийн ки­нон дээр гардаг ха­чирхалтай үйл явдлын гэрч болц­гоов. Олон саяар тоологдох шувууд гэнэт сүрэглэн хотыг бүчин авсан байна. Шувууд хараахан хүн, амьтад руу дайраагүй ч айсандаа гадагш гарахаа больж, олон сая шувуудын сангаст зам, дээвэр булагджээ. Сүрэглэсэн шувууд үргэж тэнгэрт хөөрөхөд хотыг нарны гэрлээс бүхэлд нь халхалж байжээ. Экологийн байгууллагын мэргэжилтний хэлж байгаагаар цаг уурын өөрчлөлтөөс болж ийнхүү хотын орчим олноор сүрэглэн иржээ. Цаг агаар тэгээс доош буугаагүй болохоор хөрс хөлдөөгүй нь шавьжаар хооллодог шувуудад амьдрахад таатай болсон аж. Иймд тэд өвөл дуустал хотыг эзэгнэхээр шийдсэн бололтой гэж мэргэжилтнүүд мэдэгджээ.
Хопксинвилль хотод 35 мянган хүн амьдардаг бөгөөд бүгд шувууны сангаснаас болж цагаан болсон зам, дээвэр зэргийг цэвэрлүүлэхээр халдвартай тэмцэх албанд хандсан байна.