Ерийн харандаа бариад цаасан дээр зураг зурахад хоёр л хэмжээсээр дүрсэлдэг. Өөрөөр хэлбэл хэчнээн сайн зураач байлаа ч таны зурганд  урт өргөний хэмжээс гарахаас л биш бодитой болохгүй. Харин Kickstarter сайтын бичсэнээр энэ асуудлыг 3D-үзэгний тусламжтайгаар шийдэж болох нь.


Одоо бол 3D хэвлэгчийг ашиглаж эхлээд байна. Үүгээр эд эрхтэн, загварын хувцас, бас зэвсгийг бүтээж байгаа. Өнөөдөртөө харьцангуй өндөр үнэтэй байгаа ч аажимдаа ийм төхөөрөг зах зээлд гарна гэж эдийн засагчид үзэж байна.
3D-үзэгний ажиллах зарчим нь ерөнхийдөө ийм үйлдэлтэй хэвлэгч машинтай төстэй. Харандаагаар зурахад үзэгний бэх буюу пластик нь агаарт маш хурдан царцаж гурван хэмжээст загвар гаргана. Тэгэхээр чинь баримал, тоглоом гээд юу эсийг зурж, “бүтээж” болно. Үзэгний тухай дүрс бичлэгээр Эйфелийн цамхгийг зурж үзүүлсэн нь энэ.


Компанийн төлөөлөгч Дэниел Коуен энэ үзгээ батарейгаар ажилладаг, бага хугацаа, багахан “бэх”-ээр ажилладаг болгох гэж ажиллаж байгаагаа хэлжээ.
Энэ үзэг бол тоглоом биш, харин загвар бүтээх төхөөрөмж гэсэн үг. Тэгэхээр томцуулгүйгээр хүүхдэд тоглоом болгон өгч болохгүй гэж үйлдвэрлэгчид урьдчилан сануулж байна. Сайндаа л 75 ам.доллараар үнэлэгдэх энэ үзгийг 3D хэвлэгчийг бодвол өргөн ашиглах боломжтой болох нь.

Цаашид зохион бүтээгчид бүр гайхамшиг болох жинхэнэ чихэр зурдаг 3D үзэг бүтээхийг оролдож байна. Даниел Коуен “Онолын хувьд бэхэндээ сахар оруулснаар жинхэнэ чихэр зурдаг харандаа хийж болно. Одоо бид энэ маань хүнсний аюулгүй байдлыг хэр хангах вэ гэдгийг л судалж байна. Ойрын үед үүнийхээ орц жорыг бэлэн болгоод үйлдвэрлэж эхэлнэ” гэжээ.