Мэргэжлийн урлагийн байгууллагын урын санг баяжуулах, жүжгийн зохиолчдын идэвхи санаач­лагыг дэмжих, зохиолчдын бүтээл туурвилыг тайзны бүтээл болгон олон нийтэд хүргэх зорилготой ССАЖЯ, УДЭТ, МЗЭ хамтран “Орчин үеийн жүжгийн зохиол”-ын уралдааныг өнгөрсөн оны арванхоёрдугаар сард зарласан юм. Энэ сарын 15-н хүртэл үргэлжилсэн уг уралдаанд нийт 93 уран бүтээлч зохиолоо сойжээ. Уралдааны дүн тун удахгүй гарах гэнэ. Тэргүүн байрын бүтээл 10 сая төгрөг, дэд байр зургаан сая, гуравдугаар байр дөрвөн сая төгрөгийн шагналтай бол тусгай байрт гурван бүтээл шалгаруулж тус бүр нэг сая төгрөгөөр урамшуулах юм. Мөн байр эзэлсэн бүтээлүүдийн шагналыг энэ оны нэгдүгээр улиралд багтаан зохиолчдод олгох бол уралдаанд шалгарсан бүтээлүүдийг төрийн өмч болгох ажээ.