У.Шекспирийн “Гамлет” жүжгийн гол дүр Офелиягийн шалгаруулалт эмэгтэй жүжигчдийн чадвараа шалгах шалгуур болж чадсаныг манай уншигчид санаж буй. Тэгвэл тэр шалгаруулалтад Берлиний кино драмын сургуулийг жүжигчний мэргэжлээр төгссөн нэгэн бүсгүй орсон билээ. Түүнийг гавьяат жүжигчин Ч.Алтан-Өлзийгөөс эхлээд дууны өнгө, хэл ярианы хувьд сайн жүжигчин байна хэмээн ам сайтай байсан. Энэ бол залуу жүжигчин Г.Ариунболор. Тэрээр шинэхэн уран бүтээлд дүрээ мөнхөлжээ.
“Logic film”, “Absolute pictures” хамтран “Дурлалын гэмт хэрэг” нэртэй хайр дурлалын сэдэвт инээдмийн кино бүтээж байгаа гэнэ. Киноны зураг авах ажил өнгөрсөн долоо хоногт дуусч, багийнхан эвлүүлгийн ажилдаа оржээ. Энэ киноны гол дүрд Г.Ариунболор “Guys” хамтлагийн Д.Лхагватай хамтран тоглосон байна. Удахгүй кино театруудаар гарч эхлэх “Дурлалын сум” уран сайхны киноноос залуу жүжигчин Г.Ариунболорын ур чадварыг тольдож болох нь.