“ТВ коктейль” хамтлагийн жүжигчин Н.Цолмонбаяртай холбогдлоо. Тэрээр уран бүтээлийнхээ хажуугаар МЗХ-ны Соёл урлагийн хорооны даргын ажлаа амжуулах гээд тун ч завгүй яваа аж.

-Сайн байна уу, “Ардчилал” сониноос ярьж байна?
-Сайн. Сайн байна уу.
-Танай хамтлагийнхны бүтээсэн “Хоёр ертөнцийн буудал” жүжиг “Гэгээн муза” наадамд өрсөлдөж байгаа гэсэн?
-Тийм ээ. Их л найдлага тавьж байгаа. Хүн угаасаа өөрийнхөө хийж, бүтээснээ бусдаас илүү гэж боддог шүү дээ. “Гэгээн муза”-д зориулан энэ сарын 22-нд ганцхан удаа тоглохоор болсон.
-Тасалбар нь их эрэлттэй байгаа сурагтай?
-Уржигдраас УДЭТ-ын билетийн кассаар худалдаалагдаж эхэлсэн. Тасалбар худалдаанд гарахаас  өмнө л хүмүүс асуугаад эхэлсэн.
-Таныг бүл нэмэх нь гэж сайтуудаар мэдээлсэн. Энэ үнэн үү?
-Үнэн.
-Уран бүтээлээс гадна сонгуульт ажил гээд зав тааруу байна уу?
-Өө, ажил ундраад л байна даа. Тэглээ гээд би хийхгүй бол хэн хийх билээ.