“Багануур” компани бизнесээ шударгаар явуулаагүй нь тогтоогджээ. Нүүрс ачихаар очсон иргэдийг машиных нь тэвшний хэмжээгээр ялгаварласан байна. Тодруулбал, 23 тоннын даацтай машины нүүрс ачих хэмжээг 15 тн байхаар тогтоож. Мэдээж энэ бол тус компанийнхны баримталдаг тоо. Харин машин үндсэн даацаар бус тус уурхайн тогтоосон хэмжээгээр нүүрс ачвал нэмэлт төлбөр төлөхгүй, харин машины үндсэн хэмжээгээр ачих болбол 15-аас илүү гарсан тонн тутамд 9600 төгрөг нэмж төлөх аж. Үүнийг шалгаж зөрчил арилгах шаардлага тавьсны дагуу Багануур ХК зөрчлөө арилгасан байна.