Афганистанд үүрэг гүйцэтгэж байгаа Британийн дайчид талибуудын галын цэг илрүүлэх үүрэгтэй 10 см урт, 16 грамм жинтэй жижигхэн нисдэг тэрэг ашиглаж байна. Их Британийн Батлан хамгаалах яам цаашид “Хар хэдгэнэ” нэртэй ийм 160 “нисдэг тэрэг”-ийг 31 сая ам.доллараар худалдан авахаар төлөвлөж байгаа юм байна. PD-100 PRS нисдэг тэрэг буюу алсын удирдлагатай “Хар хэдгэнэ”нэртэй тагнуулын ийм нисдэг тэргийг норвегийн “Prox Dynamics” компани бүтээсэн юм. Ерөнхий төрхөөрөө бол хүүхдийн тоглоомон, ганц моторт нисдэг тэрэгтэй л яг адил болов ч энэ нисдэг тэргийг дайсны байрлал, галын цэгийг тодорхойлоход ашиглаж байгаагаараа л ялгаатай юм даа.