Монголын говиос олдож харийн оронд зарагдсан Тарбозавр Батаарыг эх орондоо авчраад байгаа билээ. Энэхүү түүхийн хосгүй үнэт бүтээлийг Лениний музейд байрлуулахаар шийдвэрлэсэн ч МАН-ынхан уг музейн барилгыг суллаж өгөөгүй байгаа юм. Шүүхийн шийдвэрээр шийдэгдэх учир уг үзмэрийг Сүхбаатарын талбайд олны хүртээл болгохоор болжээ. Ирэх сарын 1-нээс олон нийтэд дэлгэн үзүүлэхээр болж Сүхбаатарын талбайд сендвичин хавтангаар үзвэрийн танхим барьжээ.