Каннын 66 дахь удаагийн наадмын “Алтан дал модны навчис” шагналыг францын найруулагч Абдельлатиф Кешишийн “Аделийн амьдрал” кино хүртлээ. Хоёр бүсгүйн хоорондын хайр сэтгэлийн холбооны тухай үзүүлэх энэ кино намраас л кино театруудаар гарах юм байна. Наадмын ерөнхий шүүгч Стивен Спилбергийн хэлснээр бол “Үнэхээр төгс. Хайр сэтгэл, жүжигчид, сэтгэл хөдлөл, тэдний царайны хувирал, үнэхээр хэлэх юм алга” байж. Тавдугаар сарын 15-нд эхэлсэн наадам ийн өндөрлөхөд шагналт кино нь ижил хүйстний тухай  байснаас ч тэр үү, ийм хууль баталсан болоод ч тэр үү Парист ижил хүйстэн гэр бүлийг эсэргүүцсэн олон нийтийн жагсаал болсон юм.