Тарбозавр батаарын ясыг өчигдөр орой Сүхбаатарын талбай дээрх түр музейд авчирлаа. Монголын говиос олдсон энэ үлэг гүрвэлийн ясыг АНУ-аас авчирч Лениний музейд байрлуулах байсан ч МАН-ынхан музейн барилгыг суллаж өгөөгүй байгаа юм. Тиймээс Сүхбаатарын талбай дээр түр музей байгуулж, Олон улсын хүүхдийн эрхийг хамгаалах өдрөөр олны хүртээл болгоно гэж байсан ч бэлтгэл ажил  хангагдаагүй байснаас “Туушин” компанийн баталгаат агуулахад хадгалж байсан юм. Харин түр музейн бэлтгэж ажлыг дуусгаж, Батаарын ясыг өчигдөр 22:50 цагийн орчимд түр музейд авчирсан юм.