Мэдээллийн хөтөч уриан дор үйл ажиллагаагаа явуулдаг DORGIO.MN сайт нь дэлхийн хамгийн том олон нийтийн сүлжээ сайт Facebook сайтад 120,000 дэмжигчтэй Монголын хамгийн анхны мэдээллийн сайт боллоо.
Монголдоо хамгийн их дэмжигчтэй манай сайт мөн сайтуудын зэрэглэл буюу ранкийг тодорхойлогч alexa.com сайтад мөн амжилтаа бататган Монголын сайтуудаас эхний 4 дүгээр байрт бичигдэж байна. Энэ бүх амжилтын цаана биднийг дэмжигч, уншигч, интернэт хэрэглэгчид та бүхний оролцоо, хувь нэмэр асар их дэмжлэг үзүүлсэн билээ.
Тиймээс сайтын хамт олны зүгээс нийт хэрэглэгчдээ баярлан талархаж буйгаа илэрхийлж байна.
Орчин цагт интернэт мэдээллийн хурд асар их хөгжиж байгаа бөгөөд шинэ, шуурхай, соргог мэдээлэл хүргэхийн тулд бид хөтөч сайтын үүргээр олон төрлийн мэдээллийг нийт хэрэглэгчдэдээ цаг алдалгүй хүргэн улам илүү чармайн ажиллаж, амжилтаа улам бататган тэргүүлэгчийн байр сууриа хадгалан явна гэдгээ амлаж байна.  
Мэдээлэл бүхэн өөр өөрийн өнгөтэй байдаг шиг олон төрлийн шинэ соргог мэдээллийг нийт интэрнет хэрэглэгчиддээ DORGIO.MN сайтын хамт олон илүү түргэн шуурхай түгээх болно.
Түүнчлэн манай сайт нь Худалдаа аж үйлдвэрийн танхимаас зарласан топ-150 аж ахуйн нэгж, байгууллагуудын хөтөчөөр ажиллаж байна. Хөтөчийн үүргээр мөн Монголын шилдэг сайтуудтай нягт харилцан ажиллаж, харилцан мэдээлэл солилцдог бөгөөд энэ дашрамд мөн биднийг дэмжигч, хамтран ажилладаг вэб сайтын нийт хамт олондоо талархаж байгаагаа илэрхийлж байна.
 Ингээд эцэст нь энэ бүх амжилтад хүрэхэд гол нөлөө үзүүлсэн Монголын мянга мянган интернэт хэрэглэгч, уншигч та бүхэндээ БАЯРЛАЛАА