Америкийн судлаачид Өмнөд Суданаас нэгэн сонирхолтой амьтан олсон нь далавчтай атлаа панда ч юм уу, суусрыг санагдуулам амьтан гэнэ. Бакнеллийн их сургуулийн эрдэм шинжилгээний ажилтан  ДиЭнна Ридер  тэргүүтэй багийнхан Бангангай гэдэг газарт нэгэн том биш усан сангийн дэргэд лагерласан байна. Тэд тэндээ сарьсан багваахай, бусад амьтан, биологийн төрөл зүйл  судалж байтал гэрэлд нь гэнэт ер бусын сарьсан багваахай ороод ирсэн гэнэ. Тэгээд л тэд үүнийг заавал барих ёстой гэж зүтгэж.

Тэд зургийг нь Өмнөд Суданы нийслэл Жуба руу илгээж өнөөх сонин амьтнаа Glauconycteris superba гэж 1939 онд Конгийн бүгд найрамдах улсад нээсэн нэгэн төрөл зүйлийн нэрээр нэрлэжээ. Ингээд олдвороо Вашингтон руу илгээтэл Смитсоновскийн хүрээлэнгийн ажилтнууд Жубагаас ирүүлсэн нөхдийнхөө саналыг өөрчлөн ердөө л “Нисдэг панда” гэсэн нэр өгчээ.

Ридерийн үгээр бол хулгана ердөө л минжийг илүүтэй их санагдуулам төрхтэй, урьд өмнө үзэгдээгүй амьтан гэнэ. Түүнийгээ бас нутгийн хэлээр “ховор” буюу “ер бусын” хэмээн Ниумбахой гэж нэрлэсэн байна.

Хамгийн гол нь Ридер тэргүүтэй эрдэмтэд Өмнөд Судан, ер нь энэ бүс нутаг бол өмнө нь барууны шинжлэх ухаанд олдож судлагдаагүй олон амьтан байдаг юм байна гэж үзсэн байна. Хэргийн гол нь энд байнга л зэвсэгт мөргөлдөөн болж байдаг болохоор судалгаа шинэжилгээний баг, эрдэмтэд тун ховор ирдэгтэй холбоотой байж мэдэх юм гэжээ.