Англи-Австралийн уул уурхайн гигант Rio Tinto корпорац Монгол дахь зэс алтны томоохон орд Оюу толгойгоо зургадугаар сарын 14 гэхэд ашиглалтад хүлээн авна гэж байсан. Энэ төсөлд нийтдээ 6,2 тэрбум ам.доллар зарцуулж, өнгөрсөн хугацаанд багагүй бэрхшээл туулж өнөө хүрсэн юм. Баяжмал гаргаад эхэлбэл үнэндээ Хятадын зэсийн зах зээлд томоохон өөрчлөлт болж мэдэх юм. Оюу толгой нь  жилд  330 мянган тонн зэс, 495 мянган унци алт гаргах хүчин чадалтай. Ийм байдлаар ашиглахад 10 жилийн нөөц хүдэр байгаа.
Гэхдээ Оюу толгой үндсэн бэлтгэл ажлаа дуусгаад үйлдвэрлэл явуулаад эхлэхэд зах зээлийн чанартай нэлээд бэрхшээлтэй тулж мэдэхээр байгаа юм.  Дэлхий болон Хятадын зах зээлд  металлын үнэ унаад зэсийн үйлдвэрлэл хэлбэрэлтгүй унаж байгаа энэ үед ийм том төсөл бас бэрхшээлтэй тулахгүй гэх баталгаа алга. Гэхдээ саяхан хүртэл хэцүүхэн байдалтай байсан Индонези, АНУ, Чилийн зэсийн салбартай  харьцуулахад бол Оюу толгой  аль ч талаараа давуу байгаа. Энэ бүхнээс харахад Rio Tinto-гийн үнэт цаас тасралтгүй унаж байснаа бодвол сэргэж эхэлж байна хэмээн http://www.sogra.ru бичжээ.