Геологичид Монгол оронд  80 төрлийн ашигт малтмалын 1170 орд илрүүлж,  8000 гаруй илрэл олжээ. Нийт ордын 900 гаруйг нь улсын төсвийн хөрөнгөөр хайгуул хийж нөөц тогтоосон байдаг. Үүнээс гадна 1997 оноос хойш гадаад дотоодын аж ахуйн нэгжийн хөрөнгө оруулалтаар алт, төмөр, хайлуур жонш, нүүрсний  270 орчим орд илрүүлсэн байна. Сүүлийн жилүүдэд улсын төсвөөс геологийн зураглал, хайгуулын ажилд хөрөнгө оруулалт хийж ирсэн. Ийм учраас өнгөрсөн онд дөрвөн тэрбум гаруй төгрөг геологийн зураглал, хайгуулд зарцуулсан тооцоо бий. Харин энэ онд уг ажилд 7.3 тэрбум төгрөг зарцуулах болсон аж.
Геологчид Монгол Улс газар нутгаа бүхэлд нь хамруулсан геологийн зураглалтай болох ёстой. Энэ ажилд улсын төсвөөс хөрөнгө мөнгө гаргадаг болж байгаа нь маш чухал хэмээдэг.   Учир нь, Монгол Улс хаанаа ямар баялагтай болохоо бүрэн мэдэж авах юм байна.