“Ромео Жульет 2” мюзикл Азид анх удаа Монголд өнгөрсөн сарын 3-нд тавигдсан. Ганцхан удаа тоглосон мюзиклийг дахин тоглооч гэсэн үзэгчдийн хүсэлтээр “Классик мюзикл” продакшн ирэх сард тоглохоор товложээ. Үзсэн хүн бүрийн сэтгэлийн утсыг хөндсөн мюзикл Монголдоо төдийгүй дэлхийн мэргэжилтнүүдээс өндөр үнэлгээ авчээ. “Ромео Жульет 2” мюзиклийн зохиогч Жерард Пресгувич дэлхийн тайзнаа аялан тоглох мюзиклдээ Монголоос жүжигчид шалгаруулж авах тухай санал албан ёсоор ирүүлсэн байна.
Энэ нь “Классик мюзикл” продакшн, “Ромео Жульет 2” мюзиклийн уран бүтээлчдийн хувьд дэлхийн тайзнаа танигдах боломж хэмээн харж байна. Тус продакшн энэхүү мюзиклийг тавихаар хоёр жилийн өмнөөс бэлтгэжээ.