Оны эхний таван сарын байдлаар Монголбанк нийт 1961.7 кг алт худалдан аваад байна. Харин өнгөрсөн онд гурав, дөрөв, зургаа, ес, арван хоёрдугаар сард нийт 992.7 кг алт худалдан авч байжээ. Эдийн засагчид 2007 онд Алтны үнийн өсөлтийн 68 хувийн буюу хүмүүсийн ярьж заншснаар гэнэтийн ашгийн татвар, 2011 онд урт нэртэй хууль гарснаар алт тушаалт буурсан гэдэг. Энэ олборлолт буурснаас гадна алтны наймаа далд хэлбэрт шилжсэнтэй холбон тайлбарлаж буй юм. Голдуу Хятад, Солонгос иргэд алт худалдан авдаг байна. Иймд алт олборлогчид нөөц ашиглсаны татвараас чөлөөлж алтны далд наймааг ил болгох хүсэлтээ байгуулагдаад удаагүй Алт үйлдвэрлэгчдийн холбоондоо тавиад буй ажээ.