Хятадын Анхуй мужийн Мааншан хотын замын хөдөлгөөний камерт хоёр үнэтэй машины хөөцөлдөөн тод үлджээ. Сонирхолтой нь, хөөцөлдсөн хоёр этгээд аав хүү хоёр бөгөөд гэр бүлийн маргаан нь машинаараа “уралдахад” хүргэжээ. Аав нь хар мерседестэй бол хүү нь улаан BMW-тэй. Гэм хийсэн хүү нь ааваасаа зугтах гэж хэдэн ч удаа оролдоод эцэст нь аав нь машинаараа мөргөж хүчээр зогсоосон ч хүү хөлөөрөө зугтаж амжжээ. Аав хүү хоёрыг сүүлд нь цагдаагийнхан замын хөдөлгөөний дүрэм зөрчсөн хэмээн саатуулан шалгасан байна.