Дуу хөгжимд дуртай хэн бүхний шимтэн сонирхдог Америкийн шүтээн нэвтрүүлгээс төрөн гарсан “Beyond 5” хамтлаг ирэх сарын 2, 3-нд манай оронд тоглолтоо хийх гэж байна. Наймдугаар сарын турш Азийн найман улсад хийх аялан тоглолтоо манай улсаас эхлүүлэн Малайз, Сингапур, Тайланд, Камбож, Хонконг зэрэг улсаар өртөөлөн сүүлийн тоглолтоо наймдугаар сарын 29-нд Тайваньд хийх ажээ. Тун удахгүй буюу аялан тоглолтынх нь үеэр анхны цомог нь хэвлэлтнээс гаргах гэж буй тус хамтлагийн залуус “шүтээн”-ний шилдэг хамтлагийн нэг билээ. Поп урсгалаар дуулдаг таван залууг Америкийн хөгжмийн ертөнцөд цахиур хагална хэмээн мэргэжилтнүүд дүгнэж байгаа юм. Хамтлагийн гишүүн Zac Love аялан тоглолтынхоо тухай хэвлэлийн хурлын үеэр хэлсэн үгэндээ “Азид хийх аялан тоглолтоо Монголоос эхлүүлнэ. Бидний сонирхлыг монгол ёс заншил, байгаль мөн монгол залуусын хөгжмийн мэдрэмж ихэд татаж байгаа” хэмээн өгүүлжээ. Хамтлагийн продюссер домогт дуучин Gladys Knight, Martina McBride болон Холливуудын жүжигчин Marie Osmand нартай хамтран ажиллаж байсан хөгжмийн зохиолч, найруулагч Tyler Castleton ажиллаж байгаа.