УДЭТ-ын жүжигчин М.Түвшинхүүтэй уран бүтээлийнх нь талаар цөөн үг солилоо.

-Сайн байна уу. Зуны өдрүүдэд уран бүтээлийн олз омог ихтэй биз дээ?
- Сайн сайн уу. Одоогийн байдлаар манай театр амарч байгаа. Ирэх сард Өмнөговь, Дорноговь, Дундговь аймагт аялан тоглолт хийхээр төлөвлөөд байна. Бригадын ахлагчаар миний бие томилогдсон.
-УДЭТ-ын уран бүтээлчид орон нутгийн үзэгчдэд уран бүтээлээ толилуулах нь. Харин театрын үзэгчид намар цагийн шинэхэн уран бүтээлийг тэсэн ядан хүлээж байгаа болов уу?
-Тэгэлгүй яах вэ. Театр маань ирэх намар дэлхийн сонгодог зохиол Мигель Де Сервантесын “Кихот ноён” жүжгийг тавихаар бэлдэж байгаа. Найруулагчаар УДЭТ-ын найруулагч Б.Баатар ажиллана.
-Театрын ажлаас гадна хувийн уран бүтээлээсээ сонирхуулбал. Таныг уран бүтээлийн “Их Хүрээ” нэгдлийг байгуулсан гэж сонслоо?
-Тиймээ. Би уран бүтээлийн “Их хүрээ” нэгдлийг үүсгэн байгуулсан. Одоогоор Хятад Монголын хамтарсан уран сайхны кинонд ажиллаж байна.
-Кинонд дүр бүтээж байгаа юу?
-Үгүй ээ. Монгол талын гүйцэтгэх захирлаар ажиллаж байна.