1973 онд  Вьетнамын дайн дуусаагүй байхад сураггүй алга болсон эцэг хүү хоёрыг саяхан ширэнгэн ойд  маугли шиг амьдарч байхыг нь олжээ. Тэдний тосгоныг америкийн онгоц бөмбөгдөх үеэр гэр бүлийн нь бүх хүмүүс үрэгдэж харин тэр хоёр сураггүй алга болсон юм байна. Аав хүү,  “Маугли”-нууд  суурин газраас ердөө 40 км-ийн зайд орших ширэнгэн ойд байсан ч тэд соёлт ертөнцөөс бүрэн ангид байж хэл яриагаа ч мартахад хүрсэн байна. Өдгөө 82 настай эцэг нь вьетнамын нэг аялгуугаар гайгүй ярьж байгаа ч 41 настай хүү бол сайндаа л хэдхэн үг мэддэг гэнэ. Тэд 40 жилийн туршид үндсэндээ ногоо идэж, хааяа ангийн махаар хооллон, модны холтос төдийгөөр эрхтнээ халхлан амьдарч  байжээ. Тэд модон дээр таван метрийн өндөрт ер бусын овоохойд амьдарч байсан байна. Одоо тэдэнд эмнэлгийн тусламж үзүүлэн, орчин үеийн амьдралд дасгаж нийгэмшүүлэхээр ажиллаж байгаа гэнэ.