“Шилмэл загвар” агент­ла­гаас жил бүр зохион бай­гуул­даг “Mongolian beauty” заг­варын тэмцээн энэ сарын 30-нд болно. Уг тэмцээнд “Шилмэл загвар” агентлагийн моделиуд оролцдог байсан бол энэ жил сонирхсон бүх хүнд нээлттэй. Тэмцээний гол шалгуур оролцогчдын биеийн өндөр гэнэ. Тодруулбал, тэмцээнд 18-25 насны 165 см-ээс дээш өндөртэй залуус оролцох боломжтой ажээ. Одоогийн байдлаар “Mongolian Beauty” тэмцээнд 70 орчим загвар өмсөгч бүсгүйчүүд бүртгүүлжээ. Оролцогчид тайзны алхаа, харилцааны соёл, гэрэл зураг авахуулах чад­вар, хэлний мэдлэг, авьяа­саараа өрсөлдөхөөс гадна сайн үйлсийн ажил зохиож, шинэ санаа дэвшүүлсэн илтгэл та­вих юм байна. Тэмцээнээс шалгарсан таван модель  дэл­хийн таван өөр оронд таван өөр тэмцээнд оролцох эрхийн эзэн болно. Олон улсын тэмцээнд оролцох учраас “Шилмэл загвар” агентлагийн хамт олон оролцогч моделиудыг англи хэл болон бусад шаардлагатай сургалтад хамруулах ажээ. Гурав дахь жилдээ болж буй тус тэмцээнийг Богд хааны ордон музейд зохион байгуулах юм байна.