Солонгосын залуу дуучин од Эйли АНУ-д тоглохоор АНУ-ын продюсерийн нэртэй хамтлагийнхантай уулзаж яриа хэлэлцээр хийсэн байна. Түүний сонгож авсан продюсерийн хамтлаг нь хөгжмийн ертөнцөд нэрд гарч Грэммийн хэд хэдэн шагнал хүртэж байсан баг юм байна. Тэдний нэг нь “Манай баг “Солонгосын Бейонсе” гэдэг, дорно, бас өрнийг шуугиулж байгаа Эйли жүжигчинтэй хамтран ажиллахаар болж уулзаж байгаа нь энэ” гэсэн байна. Дуучны агентлагч бас “Тийм ээ бид гадаадын продюсерийн багтай уулзахын тулд энэ долоо хоногийн бүх тоглолтын хуваариа өөрчлөөд байна. Хэрэв энэ төсөл амжилттай болбол Эйли  америкийн хөгжмийн зах зээлд гарч ирнэ. Гэхдээ одоо бүх зүйлийг яг таг хэлж мэдэхгүй байна” гэжээ.