Итгэмээргүй, гэхдээ байж болно !
Ливерпүүлийн домогт Битлз хамтлагийн хөгжимчин Жонн Ленноныг нас барсанд  дэлхий даяараа гашууддаг. Цэл залуу 40 насандаа шүтэн бишрэгчийнхээ  гарт амь эрсэдсэн түүний үхлээс болж амиа хорлохыг завдсан шүтэн бишрэгчдийг тоолоход бэрх. Тэгвэл энэ онд тэдний хувьд гайхамшигтай жил болж магадгүй  нь. Учир гэвэл тэр дахин амилах нь. Хамгийн сонирхолтой нь түүнийг амьдруулах хүслээ бодит байдал болгохоор шийдсэн хүн бол Канадын жирийн нэгэн шүдний эмч Майкал Зак юм.
Тэрээр хоёр жилийн өмнө дуудлага худалдаанаас  худалдан авсан Ленноны араа шүдний ДНК-г ашиглан эс үржүүлэх буюу клонийн аргаар ийм  гайхамшиг бүтээх гэнэ. Дуучны охин Дот Жарлеттд хадгалагдах ёстой байсан хэдий ч гэрийн үйлчлэгч нь ийнхүү 30 мянган ам.доллараар Закын гарт шүдийг өгчээ. Зак BBC агентлагт өгсөн ярилцлагадаа “Бид арслан зааныг бүтээж болно гэж үзэж байхад яагаад хүнийг болохгүй гэж” хэмээн дурьдсан нь олон түмний гайхширлыг төрүүлж байна.
Манхэттэн дүүрэгт болсон тэр аймшигт аллагын талаар асуухад Зак “Энэ хэргийг үйлдсэн тэр этгээдийн цаана магадгүй Ленноныг үзэн яддаг хэсэг бүлэг хүмүүс байсан нь тодорхой. Тийм учраас би тэр хүмүүсийг тийм ч амархан баярлуулахгүй шүү” хэмээжээ.  Одоогоор шүд Амеркийн нэгэн лабораторид аюулгүй газар хадгалагдаж байна гэнэ. Дашрамд сонирхуулахад, хэрвээ энэ ажил амжилттай болбол тэр дараа нь дуучин  Элвис Преслиг амьдруулах гэж үзэж магадгүй юм.