Чингис хааны намтар түүхийг харуулсан “Хаадын Хаан Чингис Хаан ” тоглолт энэ сарын 30-нд болох гэж байна. Шинэ хэлбэрийн морины шоу гэгдэж буй уг тоглолт морьтон баатрууд тэр дундаа тал нутгийн дайн самуун, Тэмүүжиний бага нас, хувь заяаны тулаан, эзэн хаанд өргөмжлөгдсөн нь гэсэн дөрвөн хэсгээс бүрдэх гэнэ. Тэрэлжид болох уг тоглолтыг “Үүрийн од” компани зохион байгуулж буй бөгөөд жүжигчид нь олны танил эрхмүүд байгааг ч дуулгаж байлаа. Ямартай ч, мориноосоо буулгүй дэлхийн талыг эзэлсэн Их Эзэн Богд Чингис хааныхаа үүх түүхийг эндээс л харж болно гэсэн шүү.