“Хөхөөний үүрэн дээрх нислэг”, “Хятад хороолол” зэрэг киногоороо алдаршиж, XX зууны Холливудын дүр төрхийн нэг болсон жүжигчин Жэк Никольсон кино урлагаа орхиж байгаа гэнэ. Өдгөө 76 настай жүжигчний ой санамж муудаж, кино зохиолын үгээ цээжилж чадахааргүй дордсон учир карьераа орхиход хүрсэн байна. 50 гаруй жилийн түүх намтартай жүжигчний карьерынхаа туршид тэрээр Оскарын шилдэг жүжигчний шагналыг хоёр ч удаа хүртсэн билээ. Мөн туслах дүрээр ч Академи авардсын ялагч болж байсан түүний кино урлагт оруулсан хувь нэмрийг үнэлэн 1999 оны Алтан бөмбөрцгаас Сесил Б.ДеМиллийн шагнал хүртээсэн юм.