Дуучин асан Виктория Бекхэм загварын ертөнцөд хөл тавьснаас хойш хоёр дахь том загварын шоугаа зохион байгууллаа. Нью-Йоркийн загварын долоо хоногийн үеэр болсон Виктория Бекхэмийн шоуг үзэхээр түүний нөхөр Дэвид Бекхэм бяцхан охин Харпертайгаа эхний эгнээнд загварын ертөнцийн акул “Vogue” сэтгүүлийн эрхлэгч Анна Винтуртэй  зэрэгцэн суужээ. Бекхэмийн бяцхан гүнж Харперыг загварын мэдрэмжтэй нэгэн гэдгийг ээж нь батлах гэсэн бололтой 198 ам.долларын үнэтэй Chloe-гийн даашинз, үнэтэй зүүлтээр гоёжээ.