Жуан Камило Рестрепо гэх Колумб гаралтай эр дэлхийн зах зээлд хүүхэд болон гэр ахуйн бүтээгдэхүүний загвар зохион бүтээх зах зээлд хүч түрэн орж ирж байгаа залуу уран бүтээлчдийн нэг юм. Түүний бүтээсэн хамгийн сүүлийн үеийн бүтээл бяцхан хүүхэдтэй гэр бүлийн анхаарлыг ихэд татаж байна. Юу гэхээр өрөөндөө байгаа хүүхдийнхээ талаарх мэдээллийг “ON-WATCH” ухаалаг системийг ашиглан авах боломжтой юм. Ингэхдээ хяналтын системийн гаднах байдлыг хүүхдэд зориулан “анааш”-ны хэлбэр бүхий гурван төрлийн өнгөөр  бэлэн болоод байна. Өөрөөр хэлбэл та хүүхдийнхээ биеийн дулааны хэмжээ, унахаас сэргийлэх хөдөлгөөний мэдээлэл, хүүхдийн эргэн тойронд болж буй бүхий л чимээг тусгай мэдээлэгч үүрэгтэй бугуйн цагийг зүүснээр хүссэн үедээ төвөггүйхэн мэднэ. Анаашны толгой хэсэгт дуран болон хяналтын хэсгийг суурилуулснаар 24 цагийн доторх мэдээллийг USB холболтоор дамжуулан харж, цэнэглэх боломжтой юм. Одоогоор бүтээгдэхүүнд нэмж хийх тохиргоо, шинэчлэлийг хянах явц явагдаж байгаа учраас  худалдаанд гарах тов гараагүй байгаа гэнэ.