“Оюутолгой” толгой компанийн ТУЗ-ийн гурван гишүүн өнгөрсөн сарын 16-нд “Рио-Тинто” компанийнхантай хэлэлцээр хийгээд ирсэн билээ. Энэ хэлэлцээрээр манай улсын зүгээс тавьсан 22, “Рио-Тинто”-гийн зүгээс тавьсан найман гээд нийтдээ 30 асуудлыг хэлэлцэж, үүний 15-нд санал нэгдэж асуудлыг шийдвэрлэсэн тухай мэдээллийг ТУЗ-ийн гишүүд өгсөн. Харин үлдсэн 15 асуудлыг Монголд болох хэлэлцээрийн хоёр дахь шатанд хэлэлцэн шийдвэрлэнэ гэж байсан. Тэгвэл хоёр дахь шатны хэлэлцээр хараахан эхлээгүй байгааг Ерөнхий сайд Н.Алтанхуяг хэллээ. Тодорхой хэлбэл, Рио Тиногийн талаас хэлэлцээрт оролцох хүмүүс ирээгүй байгаа гэнэ. Харин техникийн хүмүүс нь Монголд ирээд байгаа аж.