“UGG” брэнд 68 дахь салбараа Монголд өчигдөр нээлээ. Монголчууд өвөл даарахгүй, дэгжин гоёмсог хувцас сонгох боломжтой болов. “UGG” брэндийн Ази, Номхон далайн бүс нутгийг хариуцсан ерөнхийлөгч Пол Тинклер “Бид хамгийн дээд зэрэглэлийн түүхий эд материал ашиглаж бүтээгдэхүүнээ хийдэг. Тухайлбал манай зарим бүтээгдэхүүнд могойн арьс ордог. Мөн монгол нэхий нарийн ноостой, хөнгөн дулаан, чанартай тул бүтээгдэхүүндээ ашиглаж байна. Манайх  Монголд салбараа нээх гэж  төлөөлөх компани олон жил хайсан. Ингээд “Аянчин” компанитай  хамтран ажиллаж   салбараа нээлээ.  Бид 2011 оноос үндсэн бүтээгдэхүүндээ монгол нэхий ашиглаж байна. Өмнө нь нэмэлт чимэглэл гоёл болгон туршиж байсан юм” гэв.  “Аянчин” компанийн захирал Г.Мандах “Австрали, Шинэ Зелландынхаас гадна Монголын нэхийгээр бүтээгдэхүүнээ хийдэг юм билээ. Иймд надад их ойр сонсогдож байсан. Аль ч насны хүнд таарсан хувцас манай дэлгүүрт бий” гэлээ. Тэгэхээр “UGG” брэндийн монгол нэхий орсон гутал, хүрэм гээд олон янзын хувцсаар гангарч  тэсгим жаварт ажрахгүй өвөлжие гэвэл хүмүүсийн нэрлэж заншсан “Шангарила” буюу “Сентрал таур”-ийг зориход хангалттай.