Монголын урдаа барьдаг хийлчдийн нэг Дээгий буюу Ч.Дэлгэрцэцэг "Монгол бахархлын өдөр"-өөр “Улаанбаатар” чуулгын гоцлол хөгжимчин болсон. Тэрээр "Улаанбаатарын үдэш” нэртэй тоглолтоо, шинэ жилд зориулан энэ сарын 30-нд чуулгынхаа их танхимд ганцхан удаа тоглохоор болжээ.
Түүний бие даасан зургаа дахь уран бүтээлийн тоглолт нь нийслэлийн нүүр царай, соёлыг харуулсны дээр уянгын бус транс хөгжим оруулсан, үзэгчдийг уйдаахгүй шинэлэг тоглолт болно гэдгийг тэрээр амлаж байлаа. Сонирхуулахад, "Улаанбаатарын үдэш" тоглолтынхоо дараа "Улаанбаатар чуулга"-ын уран бүтээлчидтэй хамт ОХУ-ын Эрхүү хотын драмын театрыг зорихоор төлөвлөжээ.