ОХУ-ын нийслэл Москвагийн шүүх Лениний районы амбан захирагчийн орлогч байсан Льев Львовыг авлига авсных нь төлөө 950 сая рублиэр торгохоор шийтгэсэн нь ийм хэрэгт оноосон хамгийн өндөр шийтгэл болж байна. Тэрээр 2011 онд Видное хотод орон суцны нэг барилга ашиглалтад орсон байна. “Энэ барилгыг ашиглалтад хүлээн авах баримт бичигт гарын үсэг зурах ёстой амбан захирагчийн орлогч  Львов тухайн компаниас 500 мянган долларын авлига нэхсэн нь барьсан барилгын зах зээлийн үнийн 30 хувьтай тэнцэж байсан” гэж ДЯЯ-ны мэдээлэлд бичжээ.
Барилгаа ашиглалтад өгөхийн тулд тухайн компани Львовын нэхсэн авлигыг хэсэгчлэн төлж биеэр өгөөд энэ тухайгаа баримт нотолгоотой нь цагдаад мэдэгджээ. Энэ бүхнийг үндэслэн шүүхээс Льев Львовт ийм хэмжээний торгууль оногдуулсан юм байна.