Энэтхэгийн Мадхья-Прадеш мужийн нэгэн эмэгтэй 12 долоо хоногтой ургаа  өөрөө хөндөх гэж оролдсоныхоо төлөө төрөх ёстой 10 хүүхдээ нэгэн зэрэг алдсан эмгэнэлт явдал болжээ. Хамгийн ойрын эмнэлгээс хол амьдардаг 28 настай Анжу Кушвахаг нөхөртэй нь эмнэлэгт хүргэхээр авч явах үед тэсэлгүй замдаа төрсөн байна. Арай гэж эмнэлэгт хүрч ирэхэд бүсгүй 9 хүүхдээ гаргачихсан ч тэдний нэг нь ч амьд төрсөнгүй. “Гэрийн нөхцөлд ураг хөндөх гэж оролдсоноос эмэгтэй замдаа амьгүй 9 хүүхэд төрүүлсэн. Эмч нар 10 дахь хүүхдийг аврах гэж мэс засал хийн бололцоотой бүх арга хэмжээ авсан ч  12 долоо хоногтой ураг амьгүй төрлөө” гэж эмнэлгийн дарга Патхака хэлжээ. Эх барих тасгийн эрхлэгч Сумитра Ядава ч “Гурван ихэр ч ховор байдаг байхад 10 ихэр гэдэг бол үнэхээр байж боломгүй явдал. Энэ эмэгтэй жирэмслэлтээс сэргийлэх курс эмчилгээ хийлгэж байсан нь ийм тохиолдолд хүргэсэн байх” гэж хэлсэн байна.