Лондонгийн хуучны театруудын нэг Аполло өчигдөр орой үзүүлбэрийн үеэр нурж, 80 гаруй хүн бэртэж гэмтсэн осол гарлаа. Театрын дээд талын суудал буюу тагт доошоо үзэгчид дээрээ нурж унаснаас ийм осол гарчээ. Уг театр 1900-аад оны эхээр ашиглалтад орсон, 700 гаруй хүний суудалтай аж. Жүжгийн үеэр театр дүүрэн хүмүүс байсан бөгөөд бүгд айж балмагдаж, театр бүхэлдээ нурж, гарах гарцгүй боллоо гэж бодоцгоосон гэнэ. Учир нь, тагт доошоо нурах үед бөөн цагаан тоос боссон учир зарим хүн юу болоод байгааг ч ойлгож ухаараагүй, театр бүхэлдээ нурлаа хэмээн бодож шоконд оржээ. Гэхдээ азаар хүний амь нас эрсэдсэн харамсалтай явдал болсонгүй, бэртэж гэмтсэн хүмүүсийг автобусаар зөөвөрлөн эмнэлэгт хүргэж, тусламж үзүүлжээ.