АНУ-ын “Target” сүлжээний хэрэглэгч 40 сая хүний зээлийн картны мэдээлэл алдагджээ. Америкийн дэлгүүр худалдааны байгууллага хамгийн их гүйлгээтэй байдаг хар баасан гаригийн өдөр буюу өнгөрсөн сарын 29-нд гэмт этгээдүүд сүлжээ дэлгүүрийн төлбөрийн систем рүү нэвтэрч, кредит картнуудын мэдээллийг авсан байна. Гэмт этгээдүүдийн гарт зээлийн картны дугаар, хэрэглэгчийн нэр, дуусах хугацаа болох аюулгнүйн код орсон байна. Тиймээс Target-ын үйлчлүүлэгчдийг зээлийн картныхаа гүйлгээг хянаж, сэжигтэй зүйл байгаа эсэхийг нягтлахыг сануулжээ.  Дэлгүүрийн удирдлагын зүгээс энэ явдалд маш их харамсч байгаагаа илэрхийлж, ямар этгээд үүнийг үйлдсэн, яаж систем рүү нэвтэрсэн зэргийг олж илрүүлэхээр ажиллаж байгааг мэдэгджээ. Хэрэг дээр АНУ-ын тагнуулын алба ажиллаж байгаа юм байна.
2007 онд АНУ-ын мөн сүлжээ дэлгүүр болох Marshalls болон TJ Maxx-ын хэрэглэгч 46 сая хүний зээлийн картны мэдээлэл алдагдсан юм.