ОХУ-ын Хакаст арванхоёрдугаар сарын 22-нд шилжих шөнө Абаканаас өмнө зүгт 50 км орчим, Лукьяновка болон Герасимов суурингуудын ойролцоо газрын гүний 15 км-т түлхэлт болж газар 6-4,3 магнитудын хүчтэй хөдөлсөн байна. Чичирхийлэл бас Кемеров муж болон Красноярскийн хязгаарт мэдэгдсэн байна. Шөнө дунд болсон газар хөдлөл багагүй хүчтэй байснаас хүмүүс хувцасаа ч өмсч амжилгүй гудамжинд гүйн гарч, хэдэн цагаар гадаа байсан байна. Хүмүүс бэртэж гэмтээгүй ч байшин барилгын хананд ан цав гарч гэмтжээ. Одоо Хакаст онц байдал тогтоон суурин газар, байшин барилгууд, онцгой объектуудын бүрэн бүтэн байдал, эвдэрлийн хэмжээг тогтоох ажил хийж байгаа юм байна. Саян-Шушений усан цахилгаан станц, нийгэм хангамжийн байгууллагууд өндөржүүлсэн бэлэн байдалд ажиллаж байна. Мэргэжлийн байгууллагуудын эхний дүгнэлтээр барилга байшин, нийгмийн бусад цогцолборын 70 хувь нь эвдэрч гэмтээгүй юм байна.