Украины сөрөг хүчнийхэн өнгөрсөн ням гарагт Тусгаар тогтнолын талбайд 15 мянган хүн оролцсон цуглаан хийж сөрөг хүчний удирдагчид цаашдын төлөвлөгөөгөө танилцуулсан байна. Тэд одоо “Майдан” гэдэг шинэ эвсэл, нэгдэл зохион байгуулж байгаагаа зарлалаа. Сөрөг хүчний удирдагч Арсений Яценюк, Олег Тягнибок, Александр Турчинов мэдэгдсэнээр одоо нэгдэл орон нутгийн хот, суурин газруудад салбар байгууллагуудаа байгуулж эхлэх гэнэ. “Майдан”-ы удирдах зөвлөлд сөрөг хүчний гол зүтгэлтэн Олег Тягнибок, Сергей Квит, Виталий Кличко, Юрий Луценко, Руслана Лыжичко, Юлия Тимошенко болон  Арсений Яценюк нар орж байгаа юм байна.
Энэ шинэ нэгдлийн эхний зорилт нь улс орондоо хүчний харьцааг зөв тодорхойлсон Украины шинэ Үндсэн хууль батлуулахын төлөөх тэмцэл байх гэнэ.
жагсагчид нийслэл Киевийн төв талбай байрлан хоноглосоор байна.