Ерөнхийлөгч В.Путиний өршөөлөөр суллагдаад хэдхэн цагийн дараа мэдэгдэл хийхдээ “Pussy Riot” хамтлагийн гишүүд Сочигийн өвлийн олимпыг бойкотлохыг уриалав. Хамтлагийн гишүүн Надежда Толоконникова, Мариа Алёхина нар хэвлэлд хандан хэлсэн мэдэгдэлдээ тэдэнд өршүүл үзүүлсэн нь ердөө косметикийн л арга хэмжээ гээд цаашид В.Путиний дэглэмийн эсрэг тэмцлээ үргэлжлүүлэн, эсэргүүцлийн дуугаа дуулсаар байх болно гэжээ. “Суудлын даруулгаа зүүгээрэй, бүх зүйл одоо л эхэлж байна” хэмээн мэдэгдсэн хоёр бүсгүй өршөөлөөр суллагдсандаа огтхон ч баярлахгүй байгаагаа хэлээд хэрвээ тэдэнд сонголт байсан байсан шорондоо үлдэх байсан, тэртээ тэргүй ирэх гуравдугаар сард суллагдах байтал наана нь өршөөл үзүүлж байгаа нь В.Путин олимпын өмнө нэр хүндээ өсгөх гэсэн хэрэг гэж тайлбарлажээ. Тийм ч учраас барууны орнуудад хандаж, Сочигийн өвлийн олимпыг бойкотлох хэрэгтэй хэмээн уриалж байна.
Pussy Riot хамтлагийнхан В.Путиний дэглэмжийг эсэргүүцсэн дуу сүмд дуулж, үймээн бужигнаан үүсгэсний улмаас танхайрсан гэдэг зүйл ангиар өнгөрсөн онд хоригдсон юм.