Хятадад вакцин тариулснаас болж нас барсан хүүхдийн тоо найм болж нэмэгджээ. Хүүхдүүдэд гепатит В-гээс урьдчилан сэргийлэх вакцин хийгээд удаагүй байхад амьсгал хураасан байна. Гуанжоу мужид дөрвөн хүүхэд нас барсан бол хамгийн сүүлд өнгөрсөн даваа гаригт Сычуань мужийн эмнэлэгт нэгэн нярай вакцин хийлгэснээс 24 цагийн нас баржээ. Энэ хэрэгт вакцин үйлдвэрлэсэн компаниудыг холбогдуулан шалгаж байна. Хятад даяар явуулах вакцинжуулах аянд Бээжин дэх Тиантан хэмээх компанид үйлдвэрлэсэн тариаг ашиглаж байсан аж. Тиймээс тус компанийн вакциныг хэрэглэхийг хориглоод байна. Гэхдээ компанийн зүгээс дан ганц өөрийн бүтээгдэхүүнд буруу өгөхийг хүсэхгүй байгаа бөгөөд хүүхдүүдийн өвчинтэй хавсарсан байх хэмээн мэдэгджээ.