Бүсгүйчүүд маань эр нөхрөөсөө, хүүгээсээ, найз залуугаасаа бэлэг авчихаад ямар зүгээр л дүмбийгээд суугаад байлтай биш дээ, бас л хариу баримаар байгаа биз дээ. Тэгээд ч хайртай залуу, өрх эгрийн түшиг тулгуур нөхөр, хайртай хүүдээ юу бэлэглэвэл дээр юм даа гэж бас л бодож байгаа.
Хөөе та минь ээ, эрчүүд чинь их том санадаг улс гэнэ. Тэдний чинь 20,9 хувь нь гар утас өгөөсэй хэмээн харж байдаг бол бүр 18 хувь нь машин бэлэглэвэл ч мөн сайхан аа гэж мөрөөддөг юм байна. Энэ бол судалгаанд оролцсон хүмүүсийн дундах тансагчуул байх л даа. Гэхдээ мөрөөдөхөд ямар мөнгө төлөх биш дээ, өөр зүйл бэлэглэлээ гээд ээждээ, эхнэртээ, найз бүсгүйдээ гомдохгүй  л дээ.
        
Эрчүүдийн 11,4 хувь нь ерийн л нэг сувенир, дурсгалын зүйл байхад болно доо гэсэн бол 3,5 хувь нь сайн чанарын архи, дарс байж болно гэсэн байна. Гэтэл бас эрчүүдийн маань 34,2 хувь нь “За нэг их бэлэг сэлт гээд яхав дээ” гэсэн байна.
Харин өөрт нь хэрэгтэй сайхан малгай, кобой бүрх, бүс тэлээ, жинс бол хэний ч сэтгэлд нийцэх нь дамжиггүй. Гэртээ, ажлын өрөөндөө, ширээн дээрээ  тавьчихаад “Хайрт минь шинэ жилээр өгсөн юм” гээд харж байхаар хөөрхөн бэлгэдэлтэй сувенир тун зүгээр дээ.                         
За тэгээд л өнөөх морь жил гарч байгаа болохоор морь дүрсэлсэн түлхүүрийн оосор, флэш байх юм бол ч бүр гараад өгнө. Энэ чинь байнга хэрэглэдэг зүйл нь юм чинь. Нөхөр чинь, найз чинь дарга даамал бол албан өрөөндөө тавьчихаар морины баримал, тэмдэглэлийн арьсан гадартай дэвтэр, цүнх байж болох юм.
За тэгээд сэтгэлийн бэлэг багадах биш дээ, бүсгүйчүүд минь.