"Gracia" сэтгүүлээс 2013 онд хамгийн сайхан хувцаслаж байсан 10 одыг нэрлэжээ. Жагсаалтыг ихэвчлэн Холливудынхан тэргүүлдэг байсан бол энэ удаа загварын эх орон Францын жүжигчин бүсгүй Марион Котиллиард нэгдүгээрт бичигджээ. "Сарнайн өнгөт орчлон" киноны Эдит Пиафын дүрээр Оскарт хүртэж, дэлхий дахинаа алдаршсан Марион "Christian Dior"-ын нүүр царай болохын хажуугаар өөрөө ч байнга энэ загварын ордны шинэ загваруудаар гоёдог нэгэн. Тэрээр зөвхөн өнгөрсөн онд гэхэд 170 сэтгүүлийн нүүрэнд зургаа авахуулсан байна. Марионы араас Кейт Босворт, Оливия Палермо зэрэг сайхан бүсгүйчүүд гоё ганган хувцасладаг хэмээн үнэлүүлсэн байна. Жагсаалтад загварын ертөнцийн эрэлттэй моделиудын нэг Кара Делевин, Миранда Керр, Кейт Мосс загвар зохион бүтээгч Виктория Бекхэм нар бичигдсэнээс гадна дуучин Рианна, Николь Ричи ч бас багтжээ.