Унгарын хаан II Людвиг нь 14 настайдаа нас биед хүрсэн залуу шиг өтгөн сахалтай байсан. Арван тавтайдаа гэр бүлтэй болж, гурван жилийн дараа үс нь бууралтаж.  Хорин насандаа хамаг бие нь өвгөрч өөд болжээ. Прогери буюу залуугаараа хөгширдөг хөгжлийн эмгэг нь 4-8 сая хүн тутамд ганцхан илэрдэг. Анагаах ухааны шинжлэх ухаанд энэ эмгэгийг 1886 онд бүртгэн авсан байдаг. Эл өвчин сая сая хүнд ганцхан тохиолддог болохоор тохиолдол бүрийг нь бүртгэсээр иржээ.



Өнөөдөр 100 орчим хүүхэд Поргеригоор өвчилсөн нь дэлхий нийтийн анагаах ухааны тайлагдаагүй нууц хэвээр байна. Төрөөд удаагүй хүүхдийн хэвлийн гадна сонин толбо гарснаар өвчин эхэлдэг байна. Эл өвчний шинж тэмдэг мэдэгдсэн хүүхэд, даралт ихсэх, барагтай л бол гараад байдаггүй чихрийн шижин мэтийн 40-50 насныхны өвчнөөр өвчилж, үс нь цайж, шүд нь өөрийн мэдэлгүй нойрноосоо сэрэхэд унанасан байдаг. Хэдхэн хоногийн өмнө зүгээр байсан арьс нь үрчлээ сууж, нуруу нь бөгтийх бол хамгийн эхний гэмээр шинж тэмдэг. Эл өвчнөөр өвчлөгсөд хар багаасаа үхлийн тухай бодож, үеийнхэнтэйгээ тоглохдоо хүртэл үхэж тоглодог болдог байна. Өнөөдрийг хүртэл эл өвчнөөр өвчилсөн хүүхдүүд 120 см-ээс нэг их өндөр болсон түүх байхгүй. Учир нь тэдний нуруу бөгтийж хатингаршдаг тул бие нь бөгтийн жижгэрсээр байдаг аж. Прогери өвчнийг анагаах ухаанд Хатчинсон Гилфордын хам шинж гэж бас өөрөөр нэрлэх нь бий. Ийм өвчтэй хүүхэд хамгийн их бүртгэлтэй нь одоогоор АНУ байна. Өнөөдөр эл өвчинтэй хамгийн хөгшин хүүхдийг Дэнни гэнэ. Тэр хэдий 20 настай ч 80 нас хэдийнээ гарсан мэт харагддаг аж. Хатингиршаж, бөгтийсөн түүний хөдлөх нь ч дэндүү удаан аж. Дээр нь үрчлээст баригдаж, шүд, үс нь унасан. Цус харваж, үе мөчний өвчний улмаас хуруу нь тахийсэн түүнийг байнгын асрамжинд байлгадаг аж. Дэнни одоо 120 см өндөртэй ажээ. Эрдэмтэд энэ хачин үзэгдлийн талаар өнөөг хүртэл шийдтэй хариу, дорвитой судалгаа гаргаагүй л байна.
Хэрэв энэ гаж хөгжлийн шалтгааныг эрдэмтэд тайлбал, эсэргээрээ хүн төрөлхтний мөнхийн залуу амьдрах рашааныг нээх биз.