АНУ-ын Вашингтон мужийн Спокан хотын нэгэн иргэний Тоби нэртэй чихуахуа  үүлдрийн нохой эзнийхээ машиныг хөдөлгөж гэрлэн дохион дээр зогсч байсан машин мөргөн осол гаргажээ. Мөргүүлсэн машины жолооч эмэгтэй бүр гайхчихсан “Юун түрүү хоёр бодол толгойд орж ирсэн. Нэг бол би солиорч байна, эсвэл энэ жижиг нохой машин хулгайлсан байна гэж бодсон шүү” гэж ярьжээ. Машины хулгайч бяцхан нохой, нөгөө машины жолооч хоёрын аль ч бэртэж гэмтээгүй байна. Төд удалгүй нохой, машины эзэн ч ирж. Түүнийхээр бол машиндаа Тобиг орхиод буусан үед нь ямар нэгэн зүйлийг нь хөдөлгөж машиныг явуулсан бололтой. Хоёр машинд бага зэргийн гэмтэл гарсныг эс тооцвол энэ осол нэг их муу үр дагаваргүй өнгөрчээ.