Атлантагийн амьтны хүрээлэнд өнгөрсөн өвөл төрсөн бяцхан орангутан сая нэг ээжтэйгээ хамт байх болжээ. Түүнийг ээж нь жамаараа төрүүлж чадахгүй байсан учир эмч нар мэс заслын аргаар бяцхан орангутаныг гаргаж авчээ. Байгалийн жамаар төрүүлээгүй болоод ч тэр үү эх орангутан зулзагаа асарч чадахааргүй байсан гэнэ. Тиймээс Понго гэдэг нэр өгсөн бяцхан орангутаныг амьтны хүрээлэнгийнхэн нялх хүүхэд адил өөрсдөө асран өсгөж байгаа аж. Тэд хэдэн сарын өмнөөс эх үр хоёрыг хооронд нь дотносуулж эхэлсэн нь одоо үр дүнгээ өгч Понго ээждээ эрхэлж наадан хамт байх болжээ. Понго ээжтэйгээ байхдаа ердийнхөөс илүү баяр баясгалантай байдаг гэж амьтны хүрээлэнгийн асрагчид нь ярьж байна.