Интернет ашиглагчид Google-ийн газрын зураг ашиглан манай гаригийн өнцөг булан бүрт байгаа сонин хачин объектуудыг илрүүлэн юу болохыг нь таамаглаж ядан, харь гаригийн хөлгийн буудал байх хэмээн дуулиан тарьдаг. Одоо тэдний хайгуул бүр Саранд хүрчээ. Google Moon-ны карт сонирхогч нэгэн саран дээр нэгэн сонирхолтой дүрс байгааг илрүүлсэн нь харь гаригийнхны тухай энэ дуулиан дээр ёстой гал дээр тос нэмсэн шиг болголоо. Сарны элсэрхэг хөрснөөс ялгаран харагдаж байгаа энэ гурвалжин дүрс юу вэ. Харь гаригийн хөлгийн нэг хэсэг үү, саран дээр ирдэг харь гаригийнхны буудал бааз уу. Сансар сонирхогчид дүрс бичлэгийг нь хүртэл авсан байна.

Дээрээ долоон гэрэл бүхий энэ зүйл үнэхээр харь гаригийн сансрын хөлгийн буудал, бааз байж болох юм. Гэхдээ шинжээч, судлаачид энэ талаар ямар нэгэн тайлбар хийгээгүй байна.
“Энэ сонин дүрс Google Moon дээр 22042"38 0,46 N болон  142034"44 0,52 E гэсэн координатад байгаа. Өөр тодорхой зүйл би олж хараагүй” гэж WowForReeel-ийн ашиглагч бичжээ.