Билгийн улирлын цагаан сараар Буриадад болдог Цагаалганаар Улан-Үдэ хотноо “Шагайн наадаан” зохиох  гэнэ. Сүүлийн үед үндэсний энэ тоглоом буриадад ихэд дэлгэрч сургууль цэцэрлэгийн багачууд  их тоглодог болсноос энэ жилийн наадаанд зориулж Монголчууд угсаа нэгт хөршдөө 10 мянган шагай бэлэглэх болсон байна.
-Энэ шагайны нэг хэсгийг тоглоомын дүрэмтэй нь хамт хүүхдийн цэцэрлэгүүдэд тарааж өгнө, нэг хэсгээр нь бэлэг дурсгалын зүйл үйлдвэрлэх болно  хэмээн Буриад улсын засгийн газрын төлөөлөгч Алексей Гыргенов хэлжээ.