Кино наадмын улирал ид дундаа үргэлжилж буй энэ үед дэлхийн томоохон хотуудад нэр хүндтэй кино авардсууд болж байна. Амралтын өдрүүдэд Берлиний кино наадам болж өнгөрсөн бол Лондонд Британийн кино урлагийн хамгийн том шагнал гардуулах ёслол БАФТА болж, тун саяхан өндөрлөлөө. БАФТА-гийн улаан хивсний ёслолд энэ жилийн Оскарын гол шагналуудыг авах магадлалтай киноны уран бүтээлчид, Холливудын одод хүрэлцэн ирсний дунд жүжигчин Брэд Питт, Анжелина Жоли нар олны харааг булаажээ. Жүжигчний карьераас илүү найруулагчийн ажилд хүч тавих болсон хос хоёр энэ удаагийн наадамд сойх уран бүтээлгүй ирсэн ч Холливудын хамгийн сайхан хосын хувьд тэд улаан хивсийг аргагүй чимж байжээ. Хамтдаа зургаан хүүхдийн эцэг эх болсон гэр бүлийн хоёр энэ үдэш хоёул ажил хэрэг хувцсаар хосолжээ. Б.Питт Валентиногийн хослол сонгосон бол А.Жоли Сен Лорены хослолоор гоёсон байна.